Qeveria e Kosovës pritet të dërgojë në Parlament një ligj ku aministohen disa vepra penale dhe një numër I konsiderueshëm personash do të dalin nga burgjet e mbingarguara.
Ministria e Drejtësisë, në pajtim me mandatit e saj të përcaktuar me legjislacionit në fuqi, ka hartuar draftligjin inicial për Amnisti, me ç’rast parashihet të amnistohen kategori të caktuara të veprave penale.
Nga amnistia do të përjashtohen veprat penale të cilat ndërlidhet me korrupsionin dhe veprat penale kundër detyrës zyrtare, krimin e organizuar, trafikimin me qenie njerëzore, veprat penale kundër njerëzimit dhe vlerave të mbrojtura me të drejtën ndërkombëtare, veprat penale kundër lirive dhe të drejtave të njeriut, veprat penale kundër të drejtave të votimit, veprat penale kundër integritetit seksual, si dhe veprat penale të cilat kanë rezultuar me lëndime të rënda trupore apo me viktima në njerëz, po ashtu veprat penale të cila kanë rezultuar me pasoja në viktima të ndjeshme, përkatësisht në fëmijë, persona me aftësi të kufizuara fizike apo mendore, persona me aftësi të zvogëluar, grua shtatzënë ose partner familjar.
Me rastin e hartimit të draftitligjit është paraparë që të mos preken të drejtat e personave të tretë të cilët bazohen në vendimin e gjykatës për veprat penale të cilat do të amnistohen.
Ministria e Drejtësisë aktualisht është në fazën e konsultimeve me Këshillin Gjyqësor dhe Këshillin Prokurorial të Kosovës, me përfaqësues të Gjykatës Supreme, si dhe me disa nga parterët ndërkombëtarë, pas marrjes së komenteve dhe propozimeve eventuale nga ana e tyre, drafti do të dërgohet për konsultime paraprake dhe në konsultime me publikun, ashtu siç përcaktohet me legjislacionin në fuqi.
Ministria e Drejtësisë edhe me rastin e hartimit dhe finalizimit të këtij drafti do të jetë transparente dhe mirëpret komentet dhe propozimet konkrete nga të gjithë akterët relevant vendor dhe ndërkombëtar si dhe përfaqësuesit nga shoqëria civile.
