Aeroporti i Kukësit, ndërtuarsi dhuratë nga arabët pas përfundimit të luftës në Kosovë, do ndërtohet pothuajse nga e para, së paku duke iu referuar faktit se godinat ekzistuese do zëvëdësohen nga të reja e pista do zgjatet akoma dhe më tej.
Ishte ministrja Balluku ajo që me në krah shefin e saj Rama, tha se “është vendosur që të gjitha ndërtesat ekzistuese do të shemben për të ndërtuar një terminal të ri modern dhe me efikasitet të plotë. Shtimi i pistës do jetë kryesorja, pasi duhet të shtohet me disa qindra metra, gjë që do kërkojë kohën e vet, padyshim. Megjithatë ne jemi brenda afateve, pa i kaluar asnjë ditë”.
Edhe sipas Ramës, çdo gjë kërkon kohën e vet.
“Ka shumë procedura certifikimi, akreditimi. I pamë me Air Albanian që kërkonin kohë me kontrolle, verifikime me grupe të ndryshme të organizmave ndërkombëtare, por ajo që është e rëndësishme është që puna civile të mbarojë më shpejt,” theksoi kryeministri.
Sipas asaj çfarë është planifikuar, do të duhen dy vite që pista e Kukësit të jetë gati për fluturime.
Në atë ekzistuese, që kur është ndërtuar, nuk ka patur asnjë fluturim. /tesheshi.com/
