Lëvizja Vetëvendosje pati sot një rrjedhje, ditë pas një prurjeje, siç qe ajo e Donika Kadaj Bujupit që iu bashkangjit radhëve të saj pas largimit nga AAK-ja.
Eshtë pikërisht Ilir Deda ai që u largua nga kjo forcë politike duke paralajmëruar krijimin e një tjetër force politike.
Por largimi i tij nuk është shoqëruar me ndonjë gjuhë të ashpër karshi forcës ku aderoi, siç ndodh rëndom në politikën shqiptare. “Ne kemi dallime konceptuale, por e kemi një ndarje miqësore”, tha Deda
Por ai paralajmëroi se në betejën opozitare, do jetë në të njëjtin front me VV-në.
Nga ana tjetër, Dardan Molliqaj nga Vetëvendosje tha se ikja e Dedës shënoi një moment jo të mirë për këtë parti.
“A do të ishte më mirë me Ilirin, normalisht se po. Ajo që po synojmë me bo me Ilirin dhe Ilir me ne, është me godit regjimin. Duhet më gjetë rrugë që ta godasim regjimin. Në emër të VV i dëshiroj Ilirit sukses dhe me falënderu ër punën e bërë bashkë me të”, tha Molliqaj.
Dhe në fakt, Ilir Deda u qëndroi gjithnjë në distancë praktikave politike të Vetëvendosjes, sidomos atyre me natyrë militare, siç ka qenë hedhja e gazit lotsjellës në sallën e Kuvendit. Ditët që do të pasojnë do të shihet nëse partia e re e Dedës do jetë pikërisht ajo e ish-presidentes Jahjaga, e paralajmëruar në çastin kur ajo përfundoi mandatin, meqë ka qenë dikur afër saj si këshilltar. /tesheshi.com/
