E ngarkuara e qeverisё federale gjermane pёr migracionin, Aydan Özoguz i bёri thirrje partisё kristiansociale qё tё heqё dorё nga nxitja e frymёs kundёr refugjatёve. Ajo i referohet deklaratave të kryeministrit të Bavarisё Horst Seehofer i cili u shpreh se po “abuzohet me azilimin” dhe shpalli “masa mё rigoroze”.
Por, kёrkesat pёr azil tё shqiptarёve, kosovarёve dhe malazezёve normalisht nuk kanё shanse pёr njohjen e statusit. Ndaj CSU kёrkon, qё tё hapen qendra pёrkatёse pёr strehimin kalimtar tё atyre refugjatёve, qё nuk kanё perspektivё tё pranohen pёr tё qëndruar. Özoguz i tha gazetёs “Tagesspiegel” se mund tё diskutohet pёr qendra pranimi tё pёrkohshёm, nё tё cilat kryesisht tё strehohen azilkёrkuesit nga Ballkani, por “nuk shkon aspak qё tё pёrdoret retorika e ngjalljes sё frikёs dhe tё flitet pёr kampe dёbimi, nё tё cilat tё vlejnё standarde minimale trajtimi.”
Ndërsa kreu i CSU Seehofer i mbron planet e diskutueshme tё partisё sё tij. “Nuk ka kuptim, qё azilkёrkuesit nga Ballkani tё regjistrohen, tё shpёrndahen nё tё gjithё Gjermaninё dhe pas kёsaj sёrish tё bashkohen nё njё vend pёr t’u kthyer nё vendet e origjinёs”, tha Seehofer. “Eshtё logjike, qё azilkёrkuesit nga shtete tё sigurta tё mbahen bashkё nё qendra tё pёrkohshme pranimi.” Sipas tij, kjo mundёson “njё proces kompakt, pёr t’i kthyer shpejt azilkёrkuesit, qё nuk mund tё pranohen”. /tesheshi/
