Qeveria shqiptare shpalli “non grata” eurodeputeten qipriote Eleni Theocharous, pikërisht për qëndrimet dhe deklarimet e saj në lidhje me zhvillimet në Bularat. Në listën e 52 shtetasve grekë të cilave iu ndalohet hyrje në territorin shqiptar, Eleni Theocharous është më e rëndësishmja në status shoqëror
“Ky vendim vjen si reagim i detyruar kushtetues e ligjor i institucioneve të Republikës së Shqipërisë, ndaj shfaqjeve të përsëritura ekstremiste të eurodeputetes Eleni Theocharous. Prononcimet e saj që nxisin urrejtjen, cënimin e rendit kushtetues të vendit tonë, ngritjen e pretendimeve territoriale ndaj Republikës së Shqipërisë, nuk mund dhe nuk do të mund të bëhen më në tokën shqiptare. Mbështetur në procedurat diplomatike dhe konsullore, Ministria për Evropën dhe Punët e Jashtme e Republikës së Shqipërisë, do të përcjellë nëpërmjet kanaleve diplomatike vendimin për të ndaluar hyrjen e mëtejshme në Shqipëri të Eleni Theocharous”, u tha në një deklaratë të Ministrisë së Jashtme në Tiranë.
Por ç’tha eurodeputetja greke?
“Rasti tregon se sa respektohet minoriteti në Shqipëri. Të cilësuan terrorist, të çmendur. U përpoqën të të vrisnin edhe me harresën e tyre. Ti re për bashkimin tonë. Ti doje thjesht të ruaje identitetin tënd ortodoks. Ti guxove dhe nuk kishe frikë. Zëri yt do të na shoqërojë derisa të ribashkohemi. Rrugë të mbarë në parajsë. Krimi yt i vetëm është që ti e doje shumë Greqinë. Je i pavdekshëm”, ishin fjalët e saj, ndërkohë që iu bashkua dhe korrit me thirrja anti-shqiptare gjatë ceremonisë mortore. /tesheshi.com/
