Në burgjet shqiptare ndodhet tashmë një eurodeputet. Eshtë Fredi Beleri, një lloj “kali troje” i Athinës në Shqipëri, një person pa asnjë lloj rrezatimi, në asnjë drejtim, madje me njollën e një vrasësi në një masakër nacionaliste greke ndaj ushtarakëve shqiptarë, ngjarje e ndodhur në Peshkëpi të Gjirokastrës në prill të vitit 1995.
Njeriu që kandidoi dhe fitoi Bashkinë e Himarës, por që është nën akuzë për blerje votash, si pasojë dhe pas hekurave me një dënim me burg, ka marrë mandatin e eurodeputetit në zgjedhjet për Parlamentin e ri Europian, kandiduar nga Demokracia e re, pra nga Mitsotakisi, me një dhelpëri politike të pashembullt ndaj Shqipërisë.
Beleri ka dalë i treti në listën fituese të partisë në pushtet në Greqi.
Dhe ja si e përcjellë këtë lajm në mënyrë spekulluese media greke:
“Minoriteti grek në Shqipëri po feston pasi kryebashkiaku i zgjedhur i Heimarrës, Fredi Beleri, zuri vendin e tretë me votën e Demokracisë së Re në zgjedhjet europiane të 2024-ës”, shkruan Protothema. Spekullimi qëndron në faktin e përfshirjes së minoritetit grek në emicionet politike të Himarës me figurë Belerin.
Në realitet, minoritetit në jug, në Dropull e në Vurg, pra Gjirokastër e Sarandë, as që ia ndjen, si për Belerin e si për Himarën, pasi nuk i konsiderojnë çështje të tyre. Kjo pasi për minoiritetin klasik e tradicional grek, në Himarë nuk ka minoritet grek, siç janë ata.
Ndërsa Beleri, ka burgu kë përcjellë një mesazh tipik me mballoma politike duke heroizuar veten:
“Gjatë gjithë këtyre muajve u forcua nga besimi im se drita mposht errësirën dhe se fuqia e demokracisë mund të fshijë çdo grusht shteti, për sa kohë që ka vullnet dhe besim në një qëllim më të lartë. Ne luftuam për demokracinë, shtetin e së drejtës dhe liritë dhe dinjitetin e qytetarëve.
Ndeshja u zhvillua në kushte të pafavorshme, të paimagjinueshme për një vend që dëshiron të bëhet anëtar i familjes evropiane dhe u fitua falë nderit dhe krenarisë së grekëve.
Dua të falënderoj grekët që më nderuan me votën e tyre, familjen time që ishte mbështetja dhe zëri im, miqtë në mbarë Greqinë që më qëndruan në krah në provën më të vështirë të jetës sime. Dhe sigurisht Kyriakos Mitsotakis që më dha mundësinë të jem kandidat, për të cilin do të jem gjithmonë mirënjohës.
Si eurodeputet do të punoj shumë për të qenë i dobishëm për fraksionin tim dhe mbi të gjitha për vendin tonë”. /tesheshi.com/
