“Babi, ku është mami?” Cristianinho është 5 vjeç por nuk e ka njohur kurrë mamanë e tij dhe ai vuan tepër për këtë fakt. I ati i tij është Cristiano Ronaldo, ylli i futbollit, të cilit nuk i mjaftojnë milionat dhe suksesi botëror për të mbushur atë zbrazëti që i biri mban përbrenda. Në familjen e tij bëjnë të pamundurën që ai të jetë i lumtur dhe nuk i mungon vëmendja nga asnjë pjesëtar, por megjithatë, ajo pyetje i rri të voglit gjatë gjithë kohës në kokë dhe nuk mund t’i japë një përgjigje.
Halla e tij, Elma Aveiro, motra e madhe e lojtarit të futbollit, në një intervistë për të përditshmen ‘Record” ka rrëfyer se në shtëpi, kur Cristianinho kërkon të ëmën, për ta njohur, për të parë fytyrën e saj, për ta përqafuar, për t’i parë sytë etj., ndërrohet tema e bisedës dhe shmanget çdo lloj pyetje. “Bie heshtja sapo i vogli flet apo pyet për të ëmën. Flasim për diçka tjetër pasi është e drejtë që në një moment të caktuar të jetë vetë Ronaldo ai që do t’i flasë të birit në lidhje me këtë temë. Jo tani, ende jo. Kur të jetë gati”,- ka thënë motra e Cristiano Ronaldo.
Pyetjes së të voglit Cristianonho: “ Ku është mami?”, motrat e lojtarit të famshëm të futbollit fillimisht u përgjigjeshin me një gënjeshtër për të shuar kuriozitetin e vogëlushit, duke i thënë se është në një udhëtim, se nuk është më e gjallë dhe se ka shkuar në parajsë. Nga ajo kohë e deri më tani, të gjitha femrat e shtëpisë, përfshirë edhe gjyshen Dolores (mamanë e CR7), kanë zgjedhur të heshtin. Ronaldo bëri me dije se u bë baba në vitin 2010, ndërsa dhe lajmin pak ditë pas eliminimit të Portugalisë nga Botërori në Afrikën e Jugut.
Në lidhje me lindjen e fëmijës dhe me atë çka ka ndodhur në ato momente, nuk është ditur kurrë asnjë gjë. Ajo që dihet me siguri është se djali i CR7 nuk është frut i marrëdhënies me Irina Shayk, me të cilën Ronaldo është ndarë vetëm disa muaj më parë. Sipas thashethemeve, fëmija është frut i marrëdhënies së Ronaldos me një vajzë amerikane, e cila, pasi ka sjellë fëmijën në jetë, ka firmosur një marrëveshje me 6 zero për tu zhdukur nga jeta e Cristianinho dhe CR7./tesheshi.com/
