“Një koalicion botëror kundër terrorizmit”, ka qenë deklarata e Vladimir Putin në një intervistë për “Bild”, në të cilën kreu i Kremlinit akuzon Perëndimin për nxitjen e terrorizmit nëpërmjet krizës botërore. Gjatë intervistës Putin konfirmon se ‘jemi të gjithë të kapur nga i njëjti problem’.
“Bota sot përballet me kërcënime të shumta dhe sfida të përbashkëta duke nisur nga terrorizmi ndërkombëtar, tek trafiku i qenieve njerëzore apo kriza e të përndjekurve dhe për të kaluar këtë është e nevojshme të bashkojmë forcat në nivel internacional”,- thotë Putin.
“Kjo nuk do të thotë se jemi ne ata që duhet të biem dakord me çdo gjë që të tjerët vendosin në lidhje me këtë apo atë situatë. Nëse dikush nuk është i lumtur apo i kënaqur nga pozicioni ynë, që mendon se mund të provojë një zgjidhje më të mirë, të na deklarojë armiq. A nuk do të ishte më mirë të dëgjonim njëri-tjetrin, të reflektonim në mënyrë kritike në lidhje me atë që themi, të biem dakord dhe të gjejmë zgjidhje të përbashkëta?”,- shprehet kreu i Kremlinit./tesheshi.com/
