Presidenti rus Vladimir Putin tha se Rusia pezullon zbatimin e Marrëveshjes së Armëve Bërthamore të Mesme (INF) dhe urdhëroi zyrtarët që të mos fillonin më negociatat me SHBA për marrëveshjen, njoftoi agjensia ruse TASS.
Putin tha se “Rusia nuk do të vendosë raketa të mesme dhe të shkurtra në rajone të ndryshme të botës përpara SHBA”.
Agjencia ruse njofton se Ministri i Jashtëm Sergei Lavrov i tha Putinit se “SHBA ka shkelur marrëveshjen e INF që nga viti 1999”.
“Rusia nuk do të zvarritet në garën e armëve, veprat e reja nuk duhet të shkaktojnë kostot shtesë në terma buxhetorë”, tha Putin.
Sekretari amerikan i Shtetit, Mike Pompeo njoftoi dje se SHBA do të pezullojë zbatimin e Marrëveshjes së Armëve Bërthamore të Mesme (INF), raporton Reuters.
Sipas Reuters, kreu i Departamentit të Shtetit tha gjithashtu se Uashingtoni do të tërhiqet plotësisht nga marrëveshja historike e arritur në vitin 1987 në gjashtë muaj nëse Rusia nuk arrin t’i japë fund shkeljes së supozuar të paktit të kontrollit të armëve.
Reuters kujton se Moska ka mohuar shkeljen e marrëveshjes, e cila ndalon të dy palët që të vendosin raketa me rreze të shkurtër dhe të mesme që fluturojnë jashtë vendit. /tesheshi.com/
