Presidenti rus Vladimir Putin propozoi të zëvendësojë enciklopedinë e njohur në internet, Wikipedia, me një “burim më të besueshëm” të versionit rus.
“E mira e së mirës do të ishte të zëvendësohej ajo enciklopedia e madhe me një në formë të re, të besueshme dhe moderne”, tha Putin për agjencinë e lajmeve RIA Novosti.
Pak muaj më parë, Kremlini zyrtar njoftoi për një projektligj ku do të shpenzoheshin 1.7 miliardë rubla ruse (25 milion euro) në favor të krijimit të versionit rus të Wikipedia-s në internet.
Deklarata e Putinit pason vetëm një ditë pas miratimit të një ligji që thotë se autoritetet ruse mund të krijojnë një internet të shkëputur nga pjesa tjetër e botës – duke formuar një intranet mbarëkombëtar. /tesheshi.com/
