Taulant Balla, nr.2 i PS-së, dha garancinë se negociatat do hapen brenda vitit 2019. Duke komentuar rekomandimin pa kushte të një dite më parë nga KE, pikërisht për hapjen e negociatave, Balla kumtoi nga folësja e parlamentit duke thënë: “Progres-raporti është i bazuar në fakte, punë të kryera, ndonëse de jure nuk i hapi negociatat siç u rekomandua në qershor. Shqipëria vijoi punën e saj me procesin screening. Ky ishte raporti më i mirë në këto vite. Brenda 2019 Shqipëria do të hapë negociatat, po e them pavarësisht opozitës rrugore që shkon në kah të kundërt me interesat e vendit”.
Për kreun e grupit parlamentar socialist, gjithçka ka qenë e merituar.
“Verdikti i KE ishte i merituar. Pavarësisht rëndësisë së vendimit të djeshëm, dua shumë të jem i sinqertë me të gjithë ju dhe kolegët e opozitës. Për ne ishte konfirmim dhe pasqyrim real i punës sonë drejt aspiratës për anëtarësim në BE. Koincidence është fakti që publikimi i raportit u la direkt pas zgjedhjeve europiane që tregon se ky proces është edhe politik. Edhe vjet u morr ky vendim, por Këshilli Europian vendosi shtyrjen se vendimmarrja aty është mbi të gjitha politike”, theksoi Balla. /tesheshi.com/
