Shqipëria, Kosova; Ballkani në përgjithësi me një fjalë, si rrallë herë nuk janë “futur” në “Hartën Globale të Rrezikut” të Ministrisë së Jashtme Italiane.
Farnezina, siç quhet MPJ e Romës, ka shpërndarë hartën botërore të rrezikut e cila përgatitet nga agjencitë e specializuara të inteligjencës por natyrisht të koordinuara dhe me ato të BE dhe SHBA.
Legjenda apo leximi i hartës është i qartë; me ngjyrë të kuqe janë shënuar vendet më me shumë rrezik, me të verdhë-rrezik i moderuar dhe me të bardhë, janë vendet e zhvilluara ku nuk ka rrezik. Lexojeni hartën se do të shikoni çudira.
Po cilat janë këto “çudira” të kësaj harte? E para: Ballkani është per herë të parë me ngjyrën e bardhë njësoj si Perëndimi apo vendet e zhvilluara dhe nuk ka asnjë këshillë nga agjencitë e sigurisë italiane për qytetarët e vet. Në nivelin e parë të rrezikut konsiderohet Ukraina, ku nuk rekomandohen asnjë rrezik. Në këtë rajon pra në Lindje të Europës, në nivelin e dytë të rrezikut, e ngjyrosur me të verdhë, apo “niveli i moderuar” është Rusia dhe ish- republikat sovjetike. Për këto territore thuhet: “Nuk janë të këshiluara lëvizjet në republikat ruse, Dagestan, Çeçenia, Ingushetia, zona ku shpesh ka përplasje të forcave të rendit me rebelë të armatosur.
Në zonën e Lindjes së Mesme, apo në të ashtuquajturën Gjiri Arabik, të ngjyrosur me të kuqe janë shtetet në jug të Arabisë Saudite si Jemeni, Omani, dhe në veri të Gjirit si Iraku, e Siria. Në këto vende të përfshira në konflikt natyrisht që janë të këshilluar qytetarët që të mos udhëtojnë atje. Të ngjyrosur me të bardhë, pra pa rrezik janë Araba Saudite, Emiratete e Bashkuara, Katari, Irani etj.
Afrika Veriore apo shtetet e Magrebit janë të ngjyrosur me të kuqe, pra me rrezik maksimal; Egjipti, Libia, dhe Tunizia. Maroku është e ngjyrosur me të verdhë pra me nivel mesatar rreziku, ndërsa Algjeria paraqitet si vend i sigurtë.
Shtetet e Afrikës Qendrore konsiderohen si mjaft të rrezikshëm dhe nuk këshillohet udhëtimi; janë ngjyrosur me të kuqe.
Në Azi konsiderohen si të rrezikshme në nivelin e parë: Afganistani, Pakistani, Uzbekistani, Taxhikistani, si dhe Tajlanda.
Në Amerikën Latine nuk është ngjyrosur asnjë shtet me të kuqe, por me të verdhë, pra me rrezik mesatar konsiderohen Meksika, si pasojë e përleshjeve të karteleve të drogës, Venezuela nga kriminaliteti i lartë dhe Paraguaji si pasojë e grupeve të narkotrafikut./tesheshi.com/
