Lionel Messi fillon një kapitull të ri në karrierën e tij këtë muaj. Edhe pse shumë shpresonin ta shihnin me fanellën e Barcelonës, kampioni i botës zgjodhi futbollin amerikan dhe do të vazhdojë të luajë me fanellën e Inter Miamit.
Argjentinasi është ende me pushime, ndërsa së fundmi ka publikuar një foto në Instagram që ka shqetësuar fansat. Gjunjtë e Messit duken mjaft të pazakontë, sikur të ketë lëndime.
Kjo është arsyeja pse shumë ndjekës nën foton e publikuar kanë shkruar se Messi “duket i deformuar” duke pyetur veten nëse gjithçka është në rregull me njeriun te i cili shohin gjeniun e topit.
“Pse i duket gjuri kështu”, “çfarë po i ndodh”, janë disa nga komentet e fansave të Messit.
Fatmirësisht për shumë tifozë, nuk ka informacione për ndonjë dëmtim, ndaj mund të besohet se gjunjtë e Messit janë në gjendje të mirë.
Mediat spanjolle shkruajnë se arsyeja kryesore e gjunjve të “deformuar” të Messit është kuadricepsi i tij i tepruar i zhvilluar. /tesheshi.com/
