Ka reaguar Partia Socialiste lidhur me një letër të publikuar sot nga Sekretari i Përgjithshëm demokrat, Arben Ristani, ku pretendohej se ishte e kreut të Burgjeve; dhe e cila tregonte për nepotizmin në rradhët e mazhorancës.
Por deputeti Taulant Balla tha letra përmes të cilës PD pretendon se denoncon punësimet nepotike në shtet, është një fabrikim i SHQUP-it.
“Fatkeqësisht, Saliu dhe Luli kanë 25 vjet që bëjnë këtë, me shpresën shpif, se diçka do të mbetet. Ajo letër që paraqiti Ristani nuk ekziston”, tha deputeti socialist.
Sipas tij, ajo është falsifikuar në zyrat e PD-së. “Falsifikimi i korrespondencave të zyrtarëve nuk është papërgjegjshmëri, por është kriminale”, tha Balla, por pa shtuar nëse ky akt mund të ndiqej dhe penalisht, nëse vërtet PS është e bindur që ka të bëjë me falsifikim shkresash zyrtare. /tesheshi.com/
