Pakënaqësia ndërmjet Partisë Socialiste dhe Lëvizjes Socialiste për Integrim duket ka “shpërthyer” në bashkinë e Tiranës.
Megjithëse në një masë jo të madhe, gjithsesi mësohet se kryebashkiaku Erion Veliaj, ka marrë kundërshtimin e aleatit të tij kryesor, pas emërimit të 24 administratorëve të kryeqytetit.
LSI nuk ka qenë aspak dakord që Veliaj ka emëruar vetëm 3 administratorë të LSI-së, konkretisht: Gentian Arapin tek njësia 11, Elez Gjoza, te njësia 2 dhe Erjon Xhafën tek njësia 8.
Siç mësohet Lëvizja Socialiste për Integrim ka pretenduar të ketë të paktën 5 administratorë, duke e përllogaritur me 54.292 votat që ka marrë në bashkinë e Tiranë si subject, në votat për këshilltar.
LSI është e bindur se të njëjtët vota i janë dhënë Erion Veliajt në garën për kryetar bashkie, duke i bërë të mundur fitoren ndaj kandidatit të opozitës, Halim Kosova.
Diferenca mes Veliajt dhe Kosovës në numërimin final ishte 43,608 vota. Dhë në këtë pikë, LSI ka qenë e qartë disa herë pas zgjedhjeve ku ka deklaruar se “kemi qenë luajalë me aleatët dhe prova më sinjifikative është bashkia e Tiranës”.
Mësohet se Veliaj ka pasur një debat të ashpër me një drejtues të LSI-së qendrore në lidhje me administratorët. Por përplasjet kanë ardhur edhe pas vendimit të kryebashkiakut të Tiranës për të pezulluar planin e vjetër rregullues dhe pezulluar lejet e ndërtimit.
Ndërkaq, ditën e enjte është parashikuar mbledhja e dytë e këshillit bashkiak ku pritet që të “dalin në dritë” përplasjet e para mes aleatëve ku do të miratohet fondi prej 92 milionë lekësh që qeveria i akordoi në mbledhjen e 3 gushtit bashkisë së kryeqytetit.
/tesheshi.com/
