Partia Socialiste ka vendosur të ndryshojë kandidatin për bashkinë e Kavajës pas tërheqjes nga zgjedhjet e caktuara më 7 Maj, ku kandidonte Klodian Shehi.
Propozimi i ri i PS-së është Dorian Murati. Murati ka mbajtur disa detyra administrative, si drejtor i ALUIZNI-it e më pas drejtor i OSHEE së Kavajës.
PD mendohet se do tregjistrojë si kandidat në këto zgjedhje Isa Sakjan, i cili është edhe kryetar i degës së PD-së në këtë qytet.
Në garë për kreun e kësaj bashkie është futur edhe LSI, e cila do të përfaqësohet me Maksim Konën. Kandidatët do të regjistrohen sot në KQZ.
Zgjedhjet vendore në Kavajë do të mbahen në të njëjtën ditë me ato parlamentare, 25 qershor 2017. Në datën 7 maj ato dështuan pasi PS u tërhoq nga gara, ku ishte e vetme, pas deklaratave të PD-se për protesta.
Zgjedhjet në Kavajë bëhen si pasojë e shkarkimit të kryebashkiakut Elvis Roshi, i cili humbi mandatin për shkak të ligjit të dekriminalizimit. /tesheshi.com/
