E majta dhe e djathta kanë bashkuar votat për të liruar nga burgu një numër të konsideruar personash për të cilët qeveria ka përgatitur amnisti.
Edhe pse e ka kundërshtuar në Kuvend duke e quajtur “selective”, PD-ja e ka votuar aministrinë dhe në përfundim ligji mori 110 vota. Nga aministria përfitojnë rreth 720 të burgosur.
Oerd Bylykbashi tha se qëllimi i kësaj amnistie ëhstë terësisht politik. “Ky parlament do të mbahet mend për ndër të tjera që vendosi të bëjë Gjykatën dhe të falë sa më shumë kriminelë. Ndërkohë që dikur amnistia ishte një event i rëndësishëm, sot ju vetëm hapni portat. Mos harroni që jo më kot drejtësia, qoftë dhe ajo që ju e quani e korruptuar dhe shpesh herë është e tillë i ka çuar në burg këta persona”, tha Bylykbashki.
Ministri i Drejtësisë, Ylli Manjani hodhi poshtë këtë pretendim duke e lidhur amnistinë përveçse me humanizëm edhe me nevojën për të shfryrë mbipopullimin në institucionet e vuajtjes së dënimit.
“Në Kushtetutë amnistia i takon parlamentit dhe askujt tjetër. i takon parlamentit të shprehet përfundimisht. Detyra ime si Ministër është të shpjegoj situatën, kompetenca është e parlamentit. Nuk është fenomen i ri, por i konstatuar në vite, është i lidhur me problemet ekonomike që ka pasur dhe ka”, tha Manjani.
Nga kjo amnisti përfitojnë:
- a) personat e dënuar vendim gjyqësor të formës së prerë, me burgim deri në 2 vjet për dënime të dhëna deri në datën 30 nëntor 2015, pavarësisht nga koha e mbetur nga dënimi, me përjashtim të personave të dënuar për veprat penale, të parashikuara në nenin 5, të këtij ligji;
- b) personat e dënuar me vendim të formës së prerë, me gjobë (për pjesën financiare të pashlyer të dënimit deri në datën 30 nëntor 2015) ose personat, për të cilët gjykata deri më datën 30 nëntor 2015 ka caktuar një nga llojet e alternativave të dënimit;
- c) personat e dënuar me burgim, të cilëve, deri në datën e hyrjes në fuqi të këtij ligji, u kanë mbetur pa vuajtur nga ky dënim deri në 2 vjet, me përjashtim të personave të dënuar për veprat penale, të parashikuara në nenin 5, të këtij ligji;
ç) personat e dënuara femra, që, në datën e hyrjes në fuqi të këtij ligji, janë baras ose mbi moshën 50 vjeç, me përjashtim të personave të dënuar për veprat penale, të parashikuara në nenin 5, të këtij ligji; d) personat e dënuar meshkuj, që, në datën e hyrjes në fuqi të këtij ligji, janë baras ose mbi moshën 60 vjeç, me përjashtim të personave të dënuar për veprat penale, të parashikuara në nenin 5, të këtij ligji; dh) personat e dënuar me burgim, të cilët, në kohën e kryerjes së veprës penale, kanë qenë baraz ose nën moshën 18 vjeç, me përjashtim të atyre që janë dënuar për ndisa vepra penale të rënda.
/tesheshi.com/
