Kalimtarët në Tel Aviv u zgjuan me pamjen e pazakontë të një statuje të madhe të artë të liderit izraelit, Benjamin Netanjahu. Statuja rreth 4.5 metra e lartë u shfaq në afërsi të bashkisë së qytetit.
Artisti Itay Zalait the se statuja e mbiquajtur “Mbreti Bibi” ka pasur për frymëzim pjesërisht adhurimin si një idhull që një pjesë e izraelitëve kanë për Netanjahun. Zyrtarët thanë se statuja ishte ngritur pa leje dhe duhet të hiqet menjëherë.
Artistit Zalait iu deshën dy muaj për ta gdhendur skulpturën, përpara se ta vendoste atë mbi një piedestal të bardhë në sheshin Rabin gjatë natës.
Puna e tij nuk ka shkuar kot, në fund të fundit, pasi shumë njerëz shfrytëzuan mundësinë për të shkrepur një “selfie” me “kryeministrin”.
Kalimtarët reaguan ndaj veprës, një formë e artit guerril, me ndjesi të përzier argëtimi dhe mosmiratimi, edhe pse shumë prej tyre nuk kanë hezituar të bëjnë fotografi.
Statuja e artë u rrëzua nga një spektator i kësaj shfaqjeje interesante gjatë kohës së drekës, edhe pse nuk është e qartë nëse e gjitha ishte e qëllimshme.
Artisti Zalait më pas e largoi veprën e tij. 
Në kulturën judeo-kristiane, një statujë e artë shpesh shihet si një referencë ndaj qingjit të artë, një idhull i adhuaruar nga izraelitët në historinë biblike të librit të Eksodit.
Statuja të tilla gjithashtu janë lidhur edhe me liderë autokratikë si ai i kryetarit Mao në Kinë apo Saparmurat Niyazov të Turkmenistanit.
“Shumë njerëz në Izrael i referohen Benjamin Netanjahut si “Mbreti Bibi” kështu që është e natyrshme ta vendosim në sheshin e mbretërve, siç ka qenë emri i mëparshëm i sheshit Rabin”, tha artisti Zalait për agjencinë e lajmeve AP.
“Dua thjesht të ngre një pyetje kështu që të mund të shoh nëse kjo do të ndryshonte diçka në mendjen e njerëzve”.
Në një postim të në Facebook, ministri i Kulturës, Miri Regev tha se artisti ishte “pa lidhje” dhe se “qengji i vetëm i artë është urrejtja për Netanjahun”.
Përgatiti: Juli Prifti – /tesheshi.com/
