Një formulë e re e provave zyrtare në Formula 1, që u provua në dy garat e para të këtij sezoni, në Australi dhe në Bahrejn, ka rezultuar një katastrofë e plotë. Nga një përpjekje për të shtuar interesin e publikut për kualifikueset e së shtunës, gjithçka ka përfunduar me pista të boshatisura, ku nuk lëviz asnjë prej makinave të F1-shit.
Një propozim i ri, i dhënë të dielën, u hosh poshtë menjëherë nga ekipet, që përpiluan një letër dje, ku kërkuan kthimin te sistemi i provave i vitit të shkuar. Çdo propozim i ri është për ta i panevojshëm.
Si Jean Todt, shefi i organit drejtues të FIA-s, ashtu dhe Bernie Ecclestone kanë rënë dakort se një kthim në formulën e vjetër të provave është në interes të kampionatit.
Sistemi i mëhershëm i provave mund të kthehet që nga gara e javës së ardhshme, e cila do të zhvillohet në Kinë. Por, sidoqoftë, duhet dhe një aprovim i fundit nga Komisioni i F1-shit dhe nga Këshilli Botëror i FIA-s. /tesheshi.com/
