Ish-ministri Lefter Koka bëri një tentativë të radhës për të rifituar jetën e mëparshme, atë jashtë hekurave të burgut, por s’ja doli.
Gjykata e Posaçme e Apelit e la sërish në në burg njeriun e inceneratorëve, për të cilër opozita ka ngritur një furtunë akuzash, ndërsa LSI e kallëzoi rastin në SPAK, duke bërë që kësisoj të arrestohej ish-njeriu i saj, i cili më pas kaloi në PS.
Koka akuzohet për shpërdorim detyre, pasi sipas SPAK, ka marrë 3.7 milionë euro që të favorizonte dy kompani për ndërtimin e inceneratorit të Elbasanit. Më datë 16 dhjetor në caktimin e masës paraprake të sigurisë, GJKKO e la sërish ish-ministrin në burg.
“Nuk jam i rrezikshëm! Nuk i shmangem hetimit dhe nuk kam shkelur asnjë ligj”, ka thënë ndër të tjera në kërkesën e tij për liri Lefter Koka, depozituar në gjykatë pak ditë më parë.
Seanca ka zgjatur 40 minuat dhe ka pasur debate të forta mes avokatëve dhe gjyqtarëve të posaçëm. Vetë Koka nuk ka qenë i pranishëm në seancën që mbahej për të në GJKKO, por mbrojtjen ia kishte besuar avokatëve.
Por siç mund të kuptohet, arrestimi i tij, veç aspekteve të ftohta juridike, ka dhe një kontekst politik që ia bënë të pamundur daljen sërish në liri. Mjaft që për arrestimin e tij “gëzoi” dhe ambasadorja amerikane, jo për të përsonalisht por në emër të ndëshkueshmërisë. /tesheshi.com/
