Një përplasje e fortë ka ndodhur në Gjakovë kur një grup qytetarësh janë përplasur me policinë pasi kanë protestuar kundër peligrinazhit të serbëve në kishën ortodokse në Gjakovë me rastin kremtimit të festës se tyre të quajtur “Festa e Zonjës së Bekuar”.
Pak metra nga objekti fetar, një grup i vogël i protestuesve, kryesisht aktivistë të Lëvizjes Vetëvendosje, kanë protestuar duke e kundërshtuar prezencën e serbëve në Gjakovë.
Në momentin e daljes nga kisha të pelegrinëve, protestuesit kanë hedhur ngjyrë të kuqe ndërsa në momente të caktuara kanë pasur konfrontime edhe me pjesëtarët e policisë së Kosovës.
Përpos pelegrinëve serbë nga Beogradi, aty kanë qenë edhe zv.kryeministri i Kosovës , Branimir Stojanoviq, si dhe ministri për Komunitete dhe Kthim, Dalibor Jevtiq.
Ardhjen e delegacionit serb në Gjakovë e kanë kundërshtuar disa aktivistë të Lëvizjes Vetëvendosje dhe qytetarë të tjerë.
Nga Gjakova raportohet se qytetarët dhe aktivistët ishin mbledhur para kishës për të kundërshtuar ardhjen e delegacionit serb në kishë, ndërsa aktivistja e LVV-së, Mimoza Shala, kishte shkruar në rrugë “S’ka pajtim pa drejtësi”.
Policia në Gjakovë ka përdorur gazin lotsjellës për të shpërndarë protestuesit e Lëvizjes Vetëvendosje, që po kundërshtoni këtë vizitë.
Mediat serbe raportojnë se një grup shqiptarësh të pakënaqur, ka shpërthyer kordonin e policisë në Gjakovë, se kishte hedhur mbi vizitorët serbë petarda dhe hedhur mbi policë ngjyrë të kuq.
B92 thekson se forca të mëdha policore kanë siguruar serbët e zhvendosur që kishin ardhur në Gjakovë për të shënuar një festë të tyre. Po sipas këtij burimi, policia përdori gaz lotsjellës për shpërndarjen e tyre.
Serbët e zhvendosur nga Gjakova disa herë janë penguar të vizitojnë kishën e qytetit.
zëvizja Vetëvendosje përmes një komunikate theksoi se Policia e Kosovës ndërhyri brutalisht ndaj qytetarëve dhe aktivistëve në Gjakovë, të cilët spontanisht po protestonin kundër vizitës së ministrit nga Lista “Srpska” për Komunitete dhe Kthim, Dalibor Jevtiq.
