Protestat për vdekjen e pazakontë të aktivistit të vetëvendosjes, Astrit Dehari u shtrinë këtë të shtunë dhe në Gjakovë e disa qytete të tjera kosovare, dy ditë pasi u organizuan në Prishtinë.
Pjesëmarrësit në të kërkuan dorëheqjen e atyre që i konsiderojnë përgjegjës për humbjen e jetës së tin në paraburgimin e Prizrenit si i dyshuar për sulmin e 4 gushtit me granatëhedhës në ndërtesën e Kuvendit të Kosovës.
duke iu drejtuar të pranishmëve tha se “Astrit Dehari vdiq aty ku duhej të ishte më i sigurt se kudo tjetër në rrethana të pasqaruara”, tha njëra nga aktivistet civile në protestë, Veprore Shehu nga organizata “Medika Kosova”.
“Nuk e kam mendu se do të vijë koha të kërkojmë drejtësi edhe për një të ri që vdiq në kohën e ashtuquajtur të paqes,” tha ajo.
Si nga opozita, veçanërisht Vetëvendosje, aktivist i së cilës ishte i ndjeri Dehari, e si nga shoqëria civile, pretendohet se vdekja e tij është një krim shtetëror i fshehur.
Astrit Dehari ndodhej prej tre muajsh në paraburgim si i dyshuar për hedhje grante në godinën e Kuvendit të Kosovës. /tesheshi.com/
