Rumania është përfshirë në një valë të pazakontë protestash antiqeveritare – që në fakt janë të zakonshme në këtë vend – por këto të fundit veçojnë nga një detaj unik: është diaspora që i organizon; më saktë emigrantët, të cilët edhe pse janë “rehatuar” gjetiu, duan që vendi i tyre të jetë joshës për ta.
Të premten duke u gdhirë e shtuna, 450 vetë u plagosën në konflikt me policinë në Bukuresht, teksa tentuan të hyjnë në godinat qeveritare.
Ata protestuan kundër qeverisjes së majtë të Social Demokratëve (PSD), udhëheqësi i të cilës është dënuar për abuzim me pushtetin.
Policia qëndroi në mbrojtje të përdorimit të forcës në protestën e djeshme, duke deklaruar se do të ngrihen akuza për dhunë ndaj 8 personave.
Ministri i Brendshëm Carmen Dan tha se policia nuk “ndërhyri kundër demonstruesve paqësorë, por kundër huliganëve të rrezikshëm që sulmuan zyrtarët qeveritarë”.
Megjithatë, Presidenti rumun Klaus Iohannis, një kritik i qeverisë, tha se “dënon ashpër ndërhyrjen brutale të policisë për të prishur protestën”.
Dhe tre gazetarë thanë se ishin të ekspozuar ndaj dhunës së policisë gjatë raportimit.
Një shërbim i ambulancës tha se 70 vetë, duke përfshirë dhe 11 policë, u transferuan në spital.
Shumë demonstrues kanë marrë lëndime të lehta ose probleme të frymëmarrjes për shkak të gazit lotsjellës.
Rumunët emigrantë kërkuan dorëheqjen e qeverisë dhe duke bërë thirrje për zgjedhje të parakohshme.
Kreu i PSD-së, Livio Dragnea u dënua kohët e fundit me tre vjet e gjysmë burg për inkurajimin e të tjerëve për të abuzuar me pushtetin.
Rreth katër milionë rumunë, nga gjithsej 20, punojnë jashtë vendit, gjysma e tyre në Itali dhe Spanjë, sipas të dhënave zyrtare.
Gjatë vitit 2017, rumunët në emigracion dërguan 4.3 miliardë euro për familjet në vend, ose gati 2.5 për qind të PBB-së së vendit, një nga më të varfërit në Evropë.
Shumë prej tyre thonë se e braktisën atë për shkak të korrupsionit, pagave të vogla dhe mungesës së mundësive, njoftoi AP.
Isabelle Conduruta, një grua rumune 45-vjeçare, e cila ka punuar për 12 vjet në Gjermani si një pastruese, shpjegoi pse u bashkua me protestën.
“Ne duam të kthehemi në Rumani, por ka shumë korrupsion dhe shërbimi shëndetësor është i keq”, tha agjencia Associated Press.
Kujtojmë se kur më shumë se një vit më parë rumunët u çuan në protesta masive anti-qeveritare, Berisha në Shqipëri lëshoi thirrje për ta bërë sin ë Rumani. /tesheshi.com/
