Prodhuesit dhe përpunuesit e qumështit përsëri kanë dal sot para Qeverisë së Kosovës për të kërkuar që të përkrahet veprimtaria e tyre dhe të ndalen produktet e importit që e dëmtojnë konkurrencën në treg.
Protestuesit mbanin parulla në duar ku shkruanin se qumështi është i Kosovës dhe i sigurte dhe meriton më shumë vëmendje nga shteti.
Ata i janë ofruar ndërtesës së Qeverisë dhe po i shprehin kërkesat e tyre për problemet që po përballen. Po ashtu protestuesit brohoritni “Vendore, vendore”, duke iu referuar konsumeve të produkteve vendore.
Qumështarët sërish e kanë derdhur një sasi të qumështi para Qeverisë së Kosovës si shenj pakënaqësie me kushtet e tyre, ndërsa i kanë lutur qytetarët të marrin qumësht falas, duke i siguruar se është natyral dhe i shëndetshëm.
Kryetari i shoqatës së qumështarëve, Naser Bajraktari ka kërkuar nga Qeveria e Kosovës që t’i ndalin produktet me prejardhje të dyshimta në mënyrë që të mbrohen vendet e punës të krijuara në industrinë e prodhimit dhe përpunimit të qumështit.
“Duke shpresuar për një te ardhme më të mirë të këtij sektori jemi mbledhur sot ta ngrehim zërin. Kemi përmirësuar cilësitë tona. Qeveri të na mbrojë që të rrimë në vendet tona të punës. Thuani jo prodhimeve me yndyrë bimore”, ka thënë Bajraktari./tesheshi.com/
