Kryeministri grek Alexis Tsipras dhe ai i Maqedonisë Veriore Zoran Zaev, u nominuan për Çmimin Nobel për Paqe këtë vit prej tre grupeve në Parlamentin Evropian – socialdemokratët, të gjelbrit dhe të majtët.
Në një deklaratë të përbashkët ata theksuan se Marrëveshja e Prespës mes Shkupit e Athinës i dhëa fund një ngërçi të gjatë, duke garantuar kështu stabilitetit në Ballkanin Perëndimor.
“Pas shumë vitesh të përpjekjeve për të zgjidhur mosmarrëveshjen, më 17 qershor të vitit të kaluar, Greqia dhe Maqedonia nënshkruan një marrëveshje mbi brigjet e liqenit të Prespës, pas së cilës emri zyrtar i vendit bëhet Republika e Maqedonisë Veriore”, u tha në deklaratë.
Të tre udhëheqësit e grupeve përkatëse europarlamentare, theksuan se Tsipras dhe Zaev patën guximin politik që të këmbëngulnin për një marrëveshje pavarësisht kundërshtimeve të ashpra nga nacionalistët në të dyja vendet.
E për këtë arsye, ata propozojnë që Tsipras dhe Zaev të nominohen për Çmimin Nobel të Paqes për vitin 2019. /tesheshi.com/
