Prokurori i përgjithshëm i Izraelit kundërshtoi kërkesën e Kryeministrit Benjamin Netanjahu për të shtyrë një seancë gjyqësore mbi akuzat e korrupsionit kundër tij.
Zyra e prokurorisë tha se Netanjahu kishte kërkuar “që seanca të shtyhet për shkak të shpërbërjes së Knesset dhe zgjedhjeve që do të mbahen më 17 shtator”, njoftojnë mediat izraelite.
Pas shqyrtimit të çështjes, zyra e prokurorisë tha “kërkesa nuk mund të ishte e justifikuar, dhe se nuk kanë ndryshuar datat e caktuara për seancën dëgjimore”.
Netanjahu po përballet me akuza për ryshfet, mashtrim dhe shkelje të besimit, e megjithatë po kërkon legjislacion në parlamentin e ri që do të rezultojë në “marrjen e imunitetit”.
Zyra e prokurorit theksoi se seanca e caktuar për 2 dhe 3 tetor nuk do të vonohej “as për një ditë”. /tesheshi.com/
