Robert Mueller, Prokurori Special i emëruar nga Prokurori i Përgjithshëm i SHBA dhe Kongresi për të hetuar ndërhyrjen ruse në zgjedhjet presidenciale amerikane, ka depërtuar shumë thellë, ndaj ka zemëruar Trump, i cili sulmoi pak ditë më parë Prokurorin e Përgjithshëm, Jeff Sesions.
Siç bën të ditur Wall Street Journal, Muller ka arritur të sigurojë dëshmi shumë të rëndësishme të disa avokatëve në Uashington, që kanë qenë pjesë e takimeve dhe marrëveshjeve ndërmjet rusëve dhe skuadrës së Donald Trump.
Zëdhënësi i Shtëpisë së Bardhë, delaroi se nuk ishte dijeni mbi hetimin, por synoi që të krijonte një ide për gazetarët në mënyrë që ata të mos e marrin një takim juristësh si një samit formal.
“Çështjet e grupeve të juristëve janë zakonisht sekrete. Shtëpia e Bardhë favorizon çdo gjë që përshpejton përfundimin e punës së tij në mënyrë të drejtë. Shtëpia e Bardhë është e angazhuar të bashkëpunojë plotësisht me Mueller”, tha zëdhënësi Ty Cob për Wall Street Journal.
Grupi i juristëve me seli në Uashington DC është i dyti pas një tjetër grupi të tillë që u hetua në Alexandria të Virginias, të regjistruar nga prokurorët federale që po hetonin ish-këshilltarin e Sigurisë Kombëtare, Michael Flynn.
Lajmi vjen gjithashtu në kohën kur në Kongres po bëhen përpjekje për të ndihmuar Mueller që të ketë më pak varësi nga Presidenti dhe t’i hiqet Shtëpisë së Bardhë fuqia juridike për ta shkarkuar.
Senatori republikan, Lindsey Graham dhe ai demokrat, Cory Booker prezantuan një projektligj me anë të të cilit do t’i kërkojnë Departamentit të Drejtësisë të sigurojë një kërkesë nga një gjykatës federal përpara se ta shkarkojë Mueller, apo cilindo prokuror tjetër special.
“Projektligji ynë lejon rishikimin gjyqësor të çdo vendimi për t’i dhënë fund punës së një prokurori special, për t’u siguruar se diçka e tillë bëhet për arsyet e cituara në rregullore e jo për motive politike. Mendoj se kjo do t’i shërbejë më mirë vendit tonë”, tha Graham në një deklaratë. Booker shtoi se prokurori special nuk duhet kurrë të jetë subjekt i një “ndërhyrjeje apo intimidimi për shkak të asaj që po heton”.
Mueller vazhdon ta zgjerojë ekipin hetimor për ndërhyrjen ruse, me Greg Andres i cili u bë juristi i 16 në ekipin e tij. Trump i ka përshkallëzuar sulmet e tij ndaj Mueller teksa vijon hetimi.
Në një intervistë për New York Times në korrik, Trump paralajmëroi Muellerin të mos hetonte financat e familjes së tij. “Mendoj se kjo është një shkelje. Hetimi është për Rusinë dhe jo për familjen time”, tha në atë kohë Trump. /tesheshi.com/
