Komisioneri Johannes Hahn rekomandoi çeljen e negociatave për anëtarësim me Shqipërinë dhe Maqedoninë e Veriut, pasi në emër të KE-së paraqiti para Parlamentit Evropian raportet e progresit për shtetet në procesin e zgjerimit.
“Ne kemi folur për strategjinë e zgjerimit të Ballkanit Perëndimor. Raporti i këtij viti parashtron progresin që kanë bërë vendet e Ballkanit perëndimor. Mbeten shumë sfida. Ne do paraqesim të njëjtin rekomandim për Shqipërinë dhe Maqedoninë e Veriut.
Shqipëria është duke bërë reforma, transformim të rëndësishëm në fushën e drejtësisë. Ky është një shembull edhe për vendet e tjera. Të dyja vendet kanë bërë progrese. Në bazë të kësaj, Komisioni rekomandon hapjen e negociatave për të dy vendet.
Ato i janë përgjigjur strategjisë për Ballkanin dhe jam i kënaqur të shikoj sesi Shqipëria ka ndjekur reformën në drejtësi, sidomos në sistemin gjyqësor, rivlerësim të paprecedentë të prokurorëve dhe gjykatësve. Edhe në lidhje se si Maqedonia e Veriut zgjidhi çështjen e emrit.
Komisioni rekomandon që Këshilli të hapë negociatat tani me Shqipërinë dhe Maqedoninë e Veriut”, tha Hahn. /tesheshi.com/
