Sipas parashikimeve, tre janë arsyet që do ta shtyjnë ekonominë ruse në recension gjatë 2015, rënie të çmimeve të naftës dhe gazit, dërgimi trupave në Ukrainë, si dhe sanksionet ndërkombëtare.
Tre arsyet u cituan në një raport të publikuar nga instituti i Kërkimeve të politikave të jashtme të SHBA-së.
Çmimet e naftës kanë rënë më shumë se 50% në gjysmën e dytë të 2014 gjë që çoi në uljen e të ardhurave të eksporteve të rusisë duke ditur se 82% e GDP-së ruse përbëhet prej tyre.
Në fakt, problemi nuk është vetëm nafta, por çmimi me të cilin Rusia do ta shes gazin e saj në Evropë, sepse parashikohet që çmimi tyre do të reduktohet në një të tretën në 2015, sipas raportit.
Raporti i shkruar nga Chris Miller -një studiues në Institutin e Kërkimeve për Politikë të Jashtme, dhe një kandidat për doktorant në Universitetin Yale- thotë se në qoftë se çmimet e energjisë si të vetmet burime për ekonominë e Rusisë bien, atëherë kjo do të jetë e dhimbshme për të, por jo definitive.
Miller shton, -i cili ka punuar në 2012-2014 si hulumtues në Carnegie Center në Moskë- se impakti ekonomik i rënies së të ardhurave nga eksporti rritet për shkak të politikës ekspansioniste të Kremlinit, sepse vetëm dislokimi i trupave ruse në Ukrainë në vetvete është një proces i cili kushton shumë, plus efektit të sanksioneve perëndimore.
Raporti thekson se shumë nga kompanitë -duke përfshirë gjigandin ruse të naftës në pronësi të shtetit Rusnaft dhe bankave të tilla si “VTB”– po hasin kufizime në shtimin e kapitalit dhe në financimin e tyre në tregjet Amerikane dhe evropiane.
Shumica e kompanive të mëdha ruse mbështeten në investitorë perëndimorë për dhe aktualisht ato morrën kredi në miliarda dhe po luftojnë akoma për të marrë kredi të reja që të shlyejnë ato të vjetrat.
Rusia do të humbasë 32 miliard € në vit për shkak të sanksioneve perëndimore të imponuara mbi të, plus tetëdhjetë miliard euro për shkak të një rënie të çmimeve të naftës, sipas asaj që tha ministri rus i Financave Anton Siluanov në nëntorin e kaluar.
Raporti pohon se këta faktorë do ta çojnë Rusinë në një recesion të dhimbshëm në 2015 dhe ndoshta më gjerë.
Depresion
Në një raport të veçantë, agjencia Modis për klasifikimin e kredive parashikoi se ekonomia ruse do bjerë në një recesioni të theksuar deri në 2017.
Më parë, FMN-ja parashikoi se ekonomia ruse do të tkurret me 3% në 2015 dhe 1% në 2016.
Sipas të dhënave rezervat valutore ruse humbën rreth 134.2 miliard $ në një vit, pasi ato ranë nga 510.5 miliard dollarë që ishte në janar të 2014 në 376.3 miliard dollar në fund të muajit të kaluar.
Në të njëjtën kohë, Banka Qendrore ruse pranoi se inflacioni mund të arrijë deri në 15% në vitin aktual.
Ndërkohë agjencia Fitch Ratings të premten parashikoi se PBB-ja Ruse do të tkurret me 4% në vitin 2015, krahasuar me rritjen prej 0,6% në 2014.
Burimi: Anadolu Agency
