Qeveria kolumbiane dhe rebelët e FARC-ut do të nënshkruajnë të enjten një marrëveshje të re paqeje, që pason një tjetër të tillë të dështuar, të hedhur poshtë në një referendum më 2 tetor.
Marrëveshja e re do t’i paraqitet Kongresit për miratim, e do të shmangë një votë popullore, ndryshe nga procedura që u ndoq me të parën.
Presidenti i vendit, Juan Manuel Santos, iu drejtua vendit një ditë më parë nëpërmjet televizionit, duke thënë, “Ne kemi një mundësi unike për ta mbyllur këtë kapitull të dhimbshëm në historinë tonë.”
Ai e ka bërë të qartë se nuk ka më hapësira për negociata.
Në një deklaratë të përbashkët të qeverisë dhe FARC-ut është bërë e ditur se po punohej ende mbi procedurat që do të përdoreshin për ratifikimin e marrëveshjes në Kongres, aty ku koalicioni qeverisës ka shumicën.
Kjo është marrëveshja e dytë që kërkon t’i japë fund një konflikti të armatosur më tepër se pesëdekadësh, prej së cilit kanë humbur jetën mbi 260.000 njerëz. /tesheshi.com/
