Prokuroria Speciale e Kosovës ka njoftuar të enjten për ngritjen e një aktakuzë në Gjykatën Themelore në Prishtinë kundër 23 pandehurve, të cilët akuzohen për krim të organizuar, pastrim parash, shpërdorim të pozitës zyrtare.
“Aktakuza përfshinë 29 pika të veprave penale, duke përfshirë krimin e organizuar, pastrimin e parave, lëshimin e vendimeve gjyqësore të paligjshme, shpërdorimin e pozitës zyrtare, falsifikimin e dokumenteve zyrtare dhe grabitjen”, thuhet në komunikatën e Prokurorisë, por që ende nuk ka asnjë emër konkret se për cilët bëhet fjalë.
Bëhet me dije vetëm se aktakuza është ngritur nga një prokuror i EULEX-it në Prokurorinë Speciale të Kosovës. /tesheshi.com/
