Zbatimi i marrëveshjes për lëvizjen e lirë dhe njohjen reciproke të policave të sigurimit kufitar të Kosovës dhe atyre të Serbisë, pritet të nisë nga 12 gushti. Pas bisedimeve në Bruksel mes dy delegacioneve, mësohet se është arritur dakordësi që të zbatohet marrëveshja.
Qeveria e Kosovës ende nuk ka njoftuar për këtë marrëveshje e cila ishte dashur të fillonte të zbatohej që më parë e që ka qenë në fokus të bisedimeve të sotme teknike.
Delegacioni kosovar kryesohet në këto bisedime nga ministrja për Dialog, Edita Tahiri. Ditën e sotme në Bruksel delegacionet kanë folur për zbatimin e marrëveshjes për njohjen reciproke të sigurimeve të automjeteve. /tesheshi.com/
