Prishja e një sërë ndërtimesh anës rrugës në Dhërmi, nga Athina zyrtare vijon të shihet me syrin e një persekutimi etnik. Sipas saj, ato jane pronësi e banorëve të minoritetit grek dhe se rrafshimi i tyre përbën cenim të pronës së tyre.
Më i fundit reagim ka ardhur nga vetë presidenti Pavlopoulos. Shkelja provokative e të drejtës mbi pronësinë që po zbatohet nga ana e autoriteteve shqiptare, sidomos përmes shembjes së godinave që u përkasin bashkëkombasve tanë, nuk favorizon perspektivën europiane të Shqipërisë”, ka theksuar kreu i shtetit grek në kongresin e epirotasve të diasporës, që po mbahet në Prevezë.
Kujtojmë se reagime të ngjashme ka patur dhe për prishje në Himarë, ku për të dy rastet shteti shqiptar jep arsyen e rehabilitimeve urbane.
Ndërsa prishja e një ndërtimi pa leje në Dhërmi tre vjet më parë, e cila kishte funksionet e një kishe, solli jo vetëm reagimin e ashpër të Athinës, por dhe mallkimin e nëj prifti grek lëshuar Edi Ramës. /tesheshi.com/
