Gjashtë ditë pas vdekjes së aktivistit të Lëvizjes Vetëvendosjes, Astrit Dehari, prindërit e tij, Avni dhe Xhemile Dehari kanë thirrur një konference për media për të folur për vdekjen e djalit të tyre, por në veçanti për videot që u publikuan nga mediat kosovare nga burgu,dhe raportimeve mediale në përgjithësi për rastin në fjalë.
Nëna e Astrit Deharit, Xhemilja ka shprehur shqetësimin e saj për publikimin e pamjeve nga burgu dhe pranë qelisë së ku ndërroi jetë djali i saj, duke ka fajësuar direkt pushtetin për vdekjen e birit.
Ajo ka shtruar pyetjen se si është e mundur të dalin video nga burgu, pasi prokurori i Prizrenit Sylë Hoxha ka thënë se janë të konfiskuara nga policia
“Kam ardhur këtu vetëm për hatër të Baton Haxhiut (drejtor i televizonit Klan Kosova, që mi ka tranu të gjithë. Nuk e di ku e mori atë të drejtë. Prokurori i Prizrenit tha se ato janë të konfiskuara, prej kah dolën nga Batoni. Po pyes se ku i mori Batoni ato incizimi”, ka thënë Dehari.
Ajo ka kërkuar nga mediat që mos të shqetësojnë familjen e tyre dhe se ka kritikuar ato se kurrë nuk janë marrë më parë me familjen Dehari, kur djalin e kishin në burg.
“Nuk erdhët kurrë si media që të më pyesi si është Astriti më herët”, shtoi Dehari, duke përmendur edhe vdekjen e djalit të parë, Arbnorit, hetuesi i vdekjes së tij ka vdekur.
“Edhe hetuesi i Arbnorit ka vdekur para një viti, askush nuk e ka publikuar”, përfundoi Xhemile Dehari.
Kurse Avni Dehari, babai i Astriti e fajësoi shtetin për vdekjen e djalit të tij dhe e quajti të padrejtë publikimin e videove nga burgu.
“Këto ditë kanë filluar ta publikojnë edhe një fjalë. Kanë filluar të nxjerrin edhe skena nga burgu, skena të tmerrshme që po na tmerrojnë anëtarët e familjes dhe kjo është shumë e padrejtë.
Kërkoj nga mediet: shteti e ka vra astritin, mediat janë bërë si hiena që po mundohen të fitojnë në këtë viktimë”, ka thënë Avni Dehari.
Prokuroria e Shtetit ka nisur hetimet ndaj personave që u dhanë mediave incizimet për rastin Dehari, dy orë pasi që Tomë Gashi avokat i familjes Dehari bëri kallëzim penal ndaj personave përgjegjës që shpërndan pamjet e kamerave të sigurisë ditën që vdiq Astriti. /tesheshi.com/
