Princi Alwaleed bin Talal bin Abdulaziz Al-Saud, investori kryesor në Arabinë Saudite, në rajon dhe më gjerë, një ndër njerëzit më të pasur në Botë, me rreth 17.3 miliardë dollarë, pronar i “Kingdom Holding Company”, president i “Alwleed Fondation”, anëtar i Familjes Mbretërore të Arabisë Saudite, ka ardhur për një vizitë në Shqipëri.
Princ Alwaleed mbërriti në Durrës me jahtin e tij, Kingdom 5K, i shoqëruar nga një tjetër për stafin e tij.
Gjatë qëndrimit në Shqipëri, Princi Alwaleed, do të takohet më Presidentin Ilir Meta, Kryeministrin Edi Rama dhe anëtarë të tjerë të kabinetit qeveritar.
Princi Alwaleed pritet të diskutojë në këto takime mbi mundësinë për të investuar në Shqipëri, si dhe për projekte të tjera zhvillimore.
Ai është konsideruar dy herë nga revista Forbes si një nga investitorët më inteligjentë dhe krijues në Botë, që përcakton gjithçka për operacionet botërore të Kingdom Holding Company (KHC), duke ofruar një vizion të qartë që ka njohur sukses të jashtëzakonshëm dhe njohje në mbarë botën.
Interesat kryesore të saj janë: investimet në hoteleri, spitale e qendra shëndetësore, arsim, shërbimet financiare, pasuritë e patundshme, turizmi, media, petrokimikë, aviacioni, teknologjia etj.
Princi Alwaleed është nipi i Themeluesit të Mbretërisë së Arabisë Saudite, mbretit të parë Abdulaziz, djali i vëllait të Mbretit aktual saudit, Salman, si dhe nipi i Riad Al Solh, themeluesit dhe Kryeministrit të parë të Libanit.
Jahti i Princit Saudit ka hyrë në portin e Durrësit rreth orës 10: 30. Ai është ankoruar në kalatën nr 4. /tesheshi.com/
