Prifti nga Teksasi, Robert Jeffries tha se presidenti i Shteteve të Bashkuara ka “autoritet moral për vrasjen e liderit të Koresë së Veriut, Kim Jong-un”, shkruan Washington Post.
Për deklaratën e tij, Jeffress tha i referohej një verseti biblik, ku sipas tij shkrihej se “Perëndia i ka dhënë pushtet të plotë pushtetarëve që të përdorin çfarëdo mjeti të nevojshëm, përfshirë luftën, për të ndaluar të keqen”.
Dhe në gjykimin e klerikut të krishterë, në rastin e Koresë Veriore, Perëndia i ka dhënë autorizimin Trumpit për ta vrarë Kim Jong-un-in. Prifti tha se ndjehet i detyruar që të bëjë publike qëndrimin e tij, pas kërcënimit të Tramp-it se Korenë e Veriut, “e pret një zjarr dhe tërbim çfarë bota nuk ka parë më herët”.
“Bibla i jep qeverisë autoritet që të bëjë çdo gjë që është e nevojshme, përfshirë vrasjen, dënimin me vdekje apo ndëshkime të tjera të rënda, për ata që bëjnë keq, si puna e Kim Jong-un-it”, tha ai.
Kleriku, i njohur dhe për qëndrime kontraverse, gjatë një predikimi në Uashington tha se “hapi i parë në rindërtimin e kombit ishte ndërtimi i murit përreth Jeruzalemit për të mbrojtur qytetarët e saj”: “Ju e dini, Perëndia nuk është kundër ndërtimit të mureve”. Në këtë mënyrë, ai u pajtua edhe me planin e Tramp-it për të ndërtuar një mur në kufi me Meksikën.
Ky prift është i njohur dhe për akuzën ndaj ish-presidentin Barack Obama, se “ka krijuar parakushtet e domosdoshme për ardhjen e Antikrishtit”, si dhe i ka quajtur mormonët një kult. Ai ka pranuar, se është i vetëdijshëm se komentet e tij në lidhje me Korenë e Veriut mund të vlerësohen si të diskutueshme, por për këtë ai akuzon ata që sipas tij që nuk janë mjaft të familjarizuar me Biblën. /tesheshi.com/
