Kryeministri Rama prezantoi atë që e kish paralajmëruar prej kohësh, pas së cilës qëndron një suport i fortë israelit, puhuar publikisht prej tij. Bëhet fjalë për të ashtuquajturën prej tij, përcjellë me akronimin KÇK (Kap ç’të kapësh – dhe referuar njerëzve të drejtësisë që nuk kanë shpresë që të kalojnë vettingun), e që do quhet në fakt OFL.
“Kjo është OFL-ja, një grup i ngritur prej më shumë se gjashtë muajsh i trajnuar për këtë ditë dhe është gati të fillojë operacionin. Për mision ka si fillim ekzekutimin e akteve të sekuestrimit preventiv të pasurive të eksponentëve të organizuar “, theksoi Rama.
“Mendoj që kjo sot është urgjente, në këtë vakum ku drejtësia e vjetër po shembet dhe e reja po ngrihet duhet të ndërhyjmë me një ligj special kundër krimit të organizuar. Çdo kush nga këta të provojë para gjykatës se shpinë makinë etj i ka nga puna.
Ky nuk është një proces penal, por administrativ i duhet vënë kufi i qartë KCK-së, sepse kur një anëtar i saj shkel ligjin askush nuk vepron.
Nëse ne nuk e bëjmë këtë do bëhet nami në vend, do kemi çdo javë shfaqje tërbimi të shkeljes së ligjit”, theksoi shefi i qeverisë.
Ndërkohë, në prezantim, ai i ka bërë një mbrojtje qeverisjes së tij, duke nisur që nga mos’hapja e negociatave, e deri te PPP-të. Kryeministri Rama shpalosi gjithashtu edhe 7 prioritet e qeverisë tani e tutje, që vijojnë si më poshtë, ku në fund i vë vulën “Mini Schengenit”. Kush nuk e kundërshton, nuk kupton asgjë – theksoi Rama.
1- Përshkallëzim i luftës kundër krimit dhe korrupsionit
2-Duke filluar nga 1 janari i vitit të ardhshëm dhe deri në fund 2020 të mbyllen të gjitha sportelet që i shërbejnë qytetarëve dhe shërbimet të bëhen online. Së paku aplikimit, se jo cdo shërbim mund të mbyllet. Në 1 janar do të jenë 40% e shërbimeve që do jepen online. Deri në qershor do të shkojnë 67 % dhe deri në fund të vitit thuajse 100%.
3-Energjia dhe infrastruktura. Kemi një paketë të tërë ndryshimesh dhe investimesh që do të lancohet në javët e ardhshme me disa investime në infrastrukturë dhe energji.
4-Regjimi i ri në vijën bregdetare. E kemi parë që vija bregdetare iu është marrë qytetarëve dhe ka mbetur në dorën e të fortëve. Sikur ta dini sa prokurorë disponojnë të drejta mbi vijën bregdetare është për të vënë duart në kokë.
5-Prioriteti tjetër është mbyllja e procesit të legalizimeve për shtëpitë, jo për bizneset dhe legalizimi i tokës bujqësore.
6-Prioriteti tjetër është transformimi i infrastrukturës në universitete. Tirana duhet të ketë infrastrukturën e re universitare që të jetë njësoj si stadiumi. Siç sot kemi stadiumin më të bukur në rajon duhet të kemi edhe kampusin më të bukur në rajon.
7-Shengeni rajonal. Kush është kundër Shengenit rajonal nuk kupton asgjë. Shengeni rajonal është një vizion dhe një këmbëngulje nga ana ime qysh në ditën e parë të procesit të Berlinit. Ka qenë i penguar nga presidenti i Serbisë me të cilin unë kam bërë pafundësi debatesh”, renditi Rama. /tesheshi.com/
