Brazili po e humbet luftën me mushkonjën që përhap virusin Zika. Lajmi është publikuar nga vetë Presidentja braziliane Dilma Rousef, e cila bëri thirrje për përpjekje kombëtare, për të zhdukur këtë insekt.
Rousef tha se tashmë ky virus është shndërruar në një kërcënim ndërkombëtar dhe është tmerrësisht shumë e vështirë për ta luftuar sepse shkaqet janë ende të paqarta.
“Zika nuk është më vetëm një çështje dhe shqetësim brazilian por ka goditur edhe vende të tjera të Amerikës Latine. Ne nuk kemi eksperiencë me këtë gjë, nuk mund ta krahasojmë me asgjë që ka ndodhur në të shkuarën dhe studimet për këtë virus ende vijojnë. Ajo çka na duhet në mënyrë imediate, është të gjejmë lidhjen mes mushkonjës dhe sëmundjes” tha presidentja në një konferencë të posaçme për mediat.
“Ne po e humbasim këtë luftë. Përsa kohë kjo mushkonjë vazhdon të riprodhohet, secili prej nesh po humbet betejën. Duhet të mobilizohemi të gjithë” shtoi Presidentja e Brazilit./tesheshi.com/
