Kritika edhe nga Italia për Bashkimin Europian dhe zgjidhjen që i dha krizës greke përmes imponimit të masave të tjera shtrënguese. Pas kryeministrit Matteo Renzi, që për shkak edhe të anësisë politike, ka qenë në mbështetje të Ciprasit në Greqi, vijnë edhe kritikat e presidentit të vendit.
Presidenti Italian Sergio Mattarella, nuk ka ngurruar të kritikojë Bashkimin Europian të cilin e ka cilësuar në një krizë besueshmërie. “Kjo krizë, vijon ai, është e lidhur me mungesë të dukshme projektimi dhe vullneti politik që gjenerojnë nga perceptime miope të interesave kombëtare”.
Mattarella, një figurë me ndikim në Itali, për shkak të së shkuarës në luftën kundër mafias, thekson se nëse interpretimi më jolargpamës i masave ekonomike të kursimit do të prevalojë, atëherë Europës do t’i mungojë frymëmarrja./tesheshi/
