Presidenti Bujar Nishani nuk është terhqeur nga bindja se jeta e tij po përgjohet. Të enjten në Top Story, ai u shpreh dhe njëherë bindshëm për këtë, por shtoi se për përgjimin nuk akuzon kryeministrin Rama.
“E kam deklaruar publikisht disa herë në mënyrë shumë serioze, që jeta ime private dhe e familjarëve të Presidentit ka qenë nën survejim dhe nën përgjim.
Kjo është një çështje që në kontekst raporti institucional është shumë serioze.
Për mua nuk përbën asnjë lloj problemi, jam shumë krenar për jetën time private dhe të familjarëve të mi dhe për këtë nuk kam asnjë merak, por është një çështje që nuk meriton për momentin të ketë prioritet, por unë nuk do të heq dorë derisa kjo çështje të hetohet nga drejtësia”, deklaroi kreu i shtetit.
Në sqarimin se përse nuk i drejtohet Prokurorisë nëse posedon prova kaq të sigura se po përgjohet, kreu i shtetit shqiptar përdori tezën e njohur të mosbesimit tek drejtësa, më saktë prokuroria
“Për fat të keq, në konfirmimin që kam, të shumë provave dhe fakteve që kam, rezervimi im ka të bëjë me influencën e fortë të qeverisë në sistemin e drejtësisë sot për sot”, tha Nishani. /tesheshi.com/
