Teherani dëshiron që të rikthehen marrëdhëniet diplomatike me Arabinë Saudite, të ndërprera nga kjo e fundit pas sulmit mbi ambasadën e saj në kryeqytetin iranian, si reagim ndaj ekzekutimit të një lideri shiit nga autoritetet saudite.
President iranian, Hassan Rohani tha rivendosja e marrëdhënieve mes Iranit dhe Arabisë Saudite përbën një përparësi për Teheranin, por që sipas tij është Riadi që duhet ta ndërmarrë këtë hap.
Por sipas medias franceze që citon deklaratën, Rohani ka dënuar sulmin kundër ambasadës saudite, por nuk ka kërkuar të falur për të, duke thënë konkretisht se “Ne e dënojmë këtë veprim. Përgjegjësia jonë është gjetja e autorëve për sulmin dhe ne e bëmë këtë gjë. Ne i arrestuam ata dhe i çuam në burg”. /tesheshi.com/
