West Ham United është bërë ankth për djelmoshat e Jurgen Klopp, që detyrohen për herë të dytë këtë sezon të dalin kokëulur, pas ndeshjes me “çekanët”. Michail Antonio dhe Andy Carroll, kanë vënë firmën e tyre mbi fitoren e tetë këtë edicion për skuadrën nga Upton Park, që e rikthen sërish atë në zonën europiane.
Gjithçka nisi keq për të miqtë nga Liverpool, që u ndëshkuan pas vetëm dhjetë minutave lojë. Një kundërzbritje e shpejtë e “çekanëve” përfundon në rrjetën e Mignolet, pas goditjes së Antonios me kokë. Në vazhdimin e pjesës së parë miqtë marrin frenat e lojës nën kontroll dhe fillojnë të kërkojnë golin e barazimit, mirëpo Benteke, shpërdoroi një mal mundësish për të vendosur baraspeshën.
Skenar i njëjtë ishte edhe në fraksionin e dytë të lojës: ndërsa të kuqtë mundoheshin të barazojnë rezultatin, vendasit realizuan sërish. Kësaj rradhe përmes një “ishi” të Liverpoolit. Ishte Andy Carroll ai që dënoi rastet e panumërta të dështuara të miqve (min 55’), duke i dhënë kështu goditjen finale ishskuadrës së tij.
West Ham United me sukses hipotetikon fitoren duke u ngjitur në kuotën e 32 pikëve, në vendin e pestë të renditjes, ndërkohë që Liverpool, mbetet në vendin e tetë me 30 pikë. /tesheshi.com/
