Premier League vijon të “flasë” me emrin e skuadrave të mëdha, të cilat janë automatikisht dhe ato që kanë shpenzuar më shumë.
Ndeshjet e së shtunës nuk shkaktuan asnjë surprizë, e ndoshta i vetmi rezultat “jashtë rrjedhe”, ishte fitorja e Arsenalit në derbin me Totenham, me rezultatin 2-0, me gola të Mustafit dhe Alex Sanchez.
Me të njëjtin rezultat, por jashtë fushe ka fituar sërish kryesuesja e kampionatit, Manchester City, i cili me kundërsulmin tipik, fitoi në fushën e kampionëve në fuqi të Leicesterit. Gabriel Jesus me portën bosh dhe De Bryne me një të majtë nga jashtë zone, ishin autorë të golave.
Fiton e argëton edhe Liverpool, i cili i ka dhënë një 3-0 Southampton, me 2 gola të Salah dhe një të Coutinhos. Fiton jashtë fushe edhe Chelsea, i cili shënon 4 gola pa pësuar asnjë, në stadiumin e Ëest Bromëich Albion. Morata, dy herë Hazard dhe Markus Alonso, ishin autorë të golave për skuadrën e Contes.
Ndeshja e fundit e ditës, ka vënë përballë Manchester United dhe Neëcastle, ku skuadra e Mourinhos nuk e ka nisur mirë, duke pësuar gol, të cilin më pas e përmbysën 4 herë, me Martial, Smalling, Pogba dhe Lukaku.
Në përfundim të kësaj jave, Manchester City i Guardiolës vijon kryesimin, i shkëputur 8 pikë nga Mancester United, ndërsa ndjekin Chelsea, Totenham dhe Liverpool. /tesheshi.com/
