Irani ka gjuajtur më shumë se dhjetë raketa në dy baza ushtarake Irakiane të vendosura nga forcat amerikane, konfirmoi Pentagoni.
Raketat u qëlluan në bazën Ain al-Asad në provincën Anbar dhe në bazën e Erbilit të mërkurën herët. Sulmi erdhi mes tensioneve në rritje midis Teheranit dhe Uashingtonit.
Sulmi i Iranit erdhi pasi forcat amerikane vranë gjeneralin iranian Qassem Soleimani në një sulm ajror javën e kaluar me urdhër të presidentit Donald Trump.
Irani menjëherë premtoi një hakmarrje të ashpër.
Televizioni shtetëror iranian raportoi se të paktën 80 “terroristë amerikanë” u vranë në një sulm me 15 raketa që Teherani gjuajti ndaj objektivave amerikane në Irak, duke shtuar se asnjë raketë nuk u ndalua.
Irani përdori raketa tokë-tokë Fateh-313 në një sulm ndaj bazës ajrore të Ain al-Asadit, njoftoi agjensia gjysmë zyrtare iraniane Fars.
Televizioni shtetëror citoi një burim të rangut të lartë të Gardës Revolucionare të thoshte se Irani po synon shënnjestra të tjera në rajon në rast se Uashington do të reagojë.
Ai gjithashtu deklaroi se helikopterët dhe pajisjet ushtarake amerikane ishin “dëmtuar seriozisht”.
Çdo hakmarrje për sulmet raketore iraniane ndaj objektivave amerikane në Irak mund të çojë në një luftë të hapur në Lindjen e Mesme, paralajmëroi Presidenti iranian Hassan Rouhani në Twitter.
“Çdo veprim armiqësor ushtarak i SHBA-së do të shkaktojë një luftë të gjerë në të gjithë rajonin. Sauditët, megjithatë, mund të zgjedhin një rrugë të ndryshme – ata mund të kenë paqe të plotë,” shkroi Hessameddin Ashena.
Nga ana tjetët, pas sulmit, Presidenti amerikan Donald Trump tha “gjithçka është mirë” dhe shtoi se ai do ta bënte një njoftim në orët në vijim.
“Një vlerësim i viktimave dhe dëmeve është duke u bërë. Ne kemi ushtrinë më të fuqishme dhe të pajisur në botë”, ishte cicërima paraprake e Trump.
Ministri i Jashtëm iranian Mohammad Javad Zarif shkroi në Twitter se Irani ka bërë atë që konsideronhet si masa proporcionale dhe nuk dëshiron që lufta të përshkallëzohet.
“Irani ka ndërmarrë dhe zbatuar masën proporcionale të vetëmbrojtjes në përputhje me nenin 51 të Kartës së KB, duke synuar bazën nga e cila u krye një sulm i armatosur kundër qytetarëve dhe zyrtarëve tanë. Ne nuk duam një përshkallëzim të luftës, por do të mbrohemi kundër çdo agresioni”, shkroi ai. Zarif në Twitter. /tesheshi.com/
