Pas një humbjeje poshtëruese nga Brentford (4-0), Manchester United duhet të vendossë çfarë të bëjë Cristiano Ronaldon, kjo pasi ylli portugez pas përfundimit të ndeshjes kaloi përballë trajnerit Erik Ten Haag pa i dhënë dorën.
Kështu, sipas Sky Sports, drejtuesit e “Djajve të Kuq” po mendojnë t’i ndërpresin kontratën para kohe (ajo skadon në vitin 2023 dhe ka opsion edhe për një vit). Megjithatë, ky variant nuk do të realizohet nëse në CR7 ndryshon sjelljen e tij ndaj klubit.
Thuhet Cristiano Ronaldo u kujdes që të tregojë se është një “trup i huaj” te Manchester United duke bërë gjeste të ndryshme sapo Brentford çoi rezultatin në 2-0 ndaj skuadrës së tij, ndërsa menjëherë pas përfundimit të lojës nuk pranoi t’u drejtohej tifozëve.
Kujtohet se qëndrimi i CR7 në Manchester është kthyer në një sagë i që nga fillimi i verës, kur për herë të parë shfaqi prirjen për t’u larguar. Superylli portugez dëshiron të garojë sërish në Chmapions, por deri më tani nuk është gjetur asnjë skuadër që plotëson kërkesat e tij.
Në fakt, vetëm pak kohë më parë Interi dhe Milani refuzuan ta blejnë, ndërkohë që interesimi i Atlético Madrid dhe rikthimi në Sporting të Lisbonës mbeti në harresë.
U përfol dhe një kalim te Gallatasary në Turqi, por as kjo nuk u bë e mundur.
Nuk mund të jetë ky një fund dinjitoz për një lojtar që i ka dhënë tonin futbollit europian për 15 vjet. Vërtet këto janë shenja të fundit të një karriere, por jo deri në këtë pikë. Ikja nga Real Madrid dukej se ishte një leksion që disa lojtarë kaë lindur për të luajtur vetëm në një ekip. Kështu qe mes CR7 dhe Mbretërorëve të Spanjës. Kështu duket se është dhe për Messi-n me Barcelonën. /tesheshi.com/
