Presidenti amerikan Donald Trump thuhet se e ka diskutuar shkarkimin e shefit të FBI-së me figura që kanë lidhje me hetimin për lidhjet e tij me Kremlinin. Në një dëshmi përpara Kongresit më 20 mars, ish-shefi i FBI-së, James Comey konfirmoi në publik për herë të parë se byroja po hetonte lidhjet ruse me fushatën e Trump.
Një emër doli e ridoli gjatë asaj seance dëgjimore: Roger Stone, bashkëpunëtor i Trump që dukej se kishte parashikuar telashet që e ndoqën Hillary Clinton nga publikimi i emaileve.
Prestigjiozja “Politico” me burime të forta në politikën amerikane shkruan se Stone e ka këshilluar presidentin Trump të shkarkonte Comey.
“Ndërsa tronditja dominonte pjesën më të madhe të FBI-së dhe Shtëpinë e Bardhë, humori ishte shumë më i lartë në shtëpinë e Roger Stone në Florida. Disa aleatë dhe miq të Stone që janë përmendur shpesh në hetim, inkurajuan presidentin të shkarkonte Comey në biseda të javëve të fundit.
Në Twiiter, Stone sinjalizoi vlerësim të kësaj lëvizjeje, duke postuar një imazh të Trump nga shfaqja televizive ku ai merrte pjesë dikur, që thotë “Je i pushuar”.
Stone ka refuzuar komentet, duke thënë se, ndërkaq, po shijonte një cigare. /tesheshi.com/
