Pasi u arrit marrëveshja me Iranin, sipas opinionistëve arabë, aleatët e vjetër të Amerikës në rajon janë xhelozuar për këtë ‘’poligami gjeopolitike’, siç e kanë quajtur. Kjo xhelozi vjen për arsye se Irani dhe influencat e tij shihen si aleatë të Rusisë në rajon dhe në të njëjtën kohë Irani konsiderohet si ‘’rival’’ dhe konfliktues interesi me vendet sunite.
Sipas Reuters, i menjëhershëm ka qenë reagimi i presidentit amerikan Barak Obama i cili u ka telefonuar aleatëve të vet si Saudisë, Katarit, Bahreinit, Kuvajtit, udhëheqësit të Emirateve të Bashkuara Arabe dhe Princit të Kurorës së Abu Dhabit, Sheikh Mohammed bin Zayed Al Nahyan.
Në këtë telefonatë, Obama është justifikuar përpara aleatëve të tij me arsyetimin se kjo marrëveshje kishte si sfond përforcimin e stabilitetit dhe sigurisë në rajon, duke informuar më pas aleatët e tij mbi detajet e marrëveshjes së arritur me Iranin mbi programin e saj bërthamor.
Në deklaratën e Shtëpisë së Bardhë thuhet se Obama i thirri përfaqësuesit e Këshillit të Bashkëpunimit të Gjirit (GÇ) në një samit që do të mbahet në Camp David për të diskutuar nga afër mbi marrëveshjen.
Në lidhje me këtë, ministrat e jashtëm të GÇ morën një telefonatë të premten nga Sekretari Amerikan i Shtetit, John Kerry, me anë të të cilës ata diskutuan mbi marrëveshjen e arritur me Iranin, njofton Reuters.
