Policia turke ndaloi 20 persona të dyshuar si përkrahës së “strukturës paralele” të Gylenit

Të dyshuarit akuzohen për “formimin dhe udhëheqjen e organizatës të armatosur terroriste, për tentim të rrëzimit të qeverisë ose pengimin e kryerjes së detyrave të saj dhe për marrjen e të dhënave sekrete shtetërore për qëllime politike dhe ushtarake”.Arrestimi ndodhi dy javë para zhvillimit të zgjedhjeve parlamentare në vend.
”Policia është në kërkim edhe të 66 personave të tjerë dhe po kryen operacione në 19 provinca”, shtoi agjencia e lajmeve Dogan.

Ndërmjet të arrestuarve janë biznesmenë, avokatë dhe oficerë policie.
Ndërkaq në këtë hetim përfshihen edhe pretendimet se janë përgjuar dhe deponuar bisedat telefonike të 101 personave në mesin e të cilëve ndodhen edhe Presidenti Erdoan dhe Kryeministri Davutollu.

Në kuadër të operacionit të mëhershëm ndaj Gylenit është shpallur urdhër arresti tjetër me akuzë se është “lideri i organizatës kriminale”.

Tags: arrestohen gylenistet