Policia Sllovene jo vetëm që nuk firmos lirimin e kreut të AAK-së, Ramush Haradinaj, por po e peocedon atë penalisht duke e dërguar para gjykatës. Ndërkohë vetë Haradinaj nuk pranon daljen para një gjykate duke theksuar se është problem administriv ku fajtore janë autoritetet sllovene.
Kreu i AAK-së, Ramush Haradinaj, nuk pranon të dalë para gjykatësit slloven. Qëndrimin zyrtar të Haradinajt e ka dërguar për media zyra për informim e AAK-së. “Pafajësinë e kam të dëshmuar ndërkombëtarisht. Nuk kam asgjë me sistemin e drejtësisë sllovene e as ndërkombëtare. Sllovenet të pastrojnë sa më parë sistemin e tyre nga reliktet shpifëse të Beogradit që datojnë që nga viti 2004 dhe ende edhe sot i konsideron si valide”, ka përcjellë AAK qëndrimin e Haradinajt.
“Kjo sjellje dhe veprim nga shteti slloven është e papranueshme dhe shumë ofendues si për mua po ashtu dhe Kosovën”, ka shtuar më tej kreu i AAK-së, siç përcjell AAK.
/tesheshi.com/
