Mund të konsiderohet si fillim i mbarë ky vit për pasagjerët e autobusëve urbanë në Tiranë, pasi një “kaçak” i tyre, hajdut profesionist, ka rënë në prangat e policisë në kuadër të operacionit të koduar “Fundviti”.
Bëhet fjalë për 33-vjeçarin Ervis Tako nga Durrësi, i dënuar dhe më parë për vjedhje. Ai është vënë në pranga nga policia e Tiranës pasi vidhte pasagjerët e urbanëve duke u shndërruar në tmerrin e tyre.
Ai u prangos tek ish-stacioni i Trenit, pasi dyshohej t`i kishte vjedhur në autobuz një shtetasi një sasi prej 40 mijë lekësh.
Më pas, është arritur të dokumentohet me prova ligjore se Tako është autor dhe i tre rasteve të tjera të dokumentuara ku ka vjedhur sasi të konsiderueshme parash. /tesheshi.com/
